LHko 3. eta 6. mailako azterketei planto egiteko estrategia herritarra

2016-01-16

Hezkuntza Plataformen Topaguneak urtarrilaren 16an Gasteizen egindako batzarrean zera erabaki du: Lehen Hezkuntzako 3. eta 6. mailetako azterketei planto egitea. Hori lortzeko, hainbat estrategia aztertu ditu.

 
 
LHko 3. eta 6. mailako azterketei planto egiteko estrategia herritarra

 

 

 

3. eta 6. mailako azterketei planto egingo diegu hainbat arrazoirengatik:

·       Ebaluazio horiek ez dute hezkuntza komunitatearen babesik.

·       LOMCEren baitako azterketak dira.

·       Ikasleen ebaluazio jarraia erabat dinamitatzen dute egun bateko azterketara mugatuz.

·       Emaitza hutsak dituzte ondorio eta ikasleen sailkatzea eta banaketa albideratu dezakete.

·       Eredu erabat antipedagogikoa dute oinarri.

·       Ikasleak zenbaki huts izatera kondenatzen dituzte.

·       Ez dugu LOMCE edota Heziberriren inposiziorik onartuko.

 

Horretarako, hainbat bitarteko jarriko ditugu martxan:

·       Hitzaldi informatiboak egingo ditugu ikastetxe eta auzo zein herrietan.

·       Iaz bezala, familia “objetoreak” bilakatuko ditugu, ikasleek azterketa hau egin dezaten baimenik emango ez dutenak.

·       Eskola Kontseilu eta Artezkaritza Kontseiluetan azterketa hauen kontrako idazkiak onartuko ditugu.

 

Familia, herritar eta hezkuntza komunitateari mezua:

·       Azterketa hauek LOMCEren aplikazioa dira, hau da, madrildik inposatu nahi zaigun lege arrotz baten bermerako azterketak.

·       Herri gisa, parte hartu, bultzatu eta babestu dezagun plantoa.

·       Herri gisa, egin diezaiogun aurre LOMCEri eta honen aplikazioei Hezkuntza Sistema Propioaren alde urratsak emateko.

 

Eusko Jaurlaritza eta Nafarroako Gobernuari interpelazioa:

·       Entzun ezazue iaz eta baita aurten ere familiek, hezkuntza komunitateak eta HPT-k bidalitako mezua.

·       Ez itzazue azterketa hauek aplikatu.

·       Azterketen inguruko beharrezko informazio guztia gardentasunez zabaldu ezazue.

·       Planto egin diezaiogun elkarlanean herri gisa LOMCE lege inposatuari.

·       LOMCE aplikatzeko hautuan jarraituz gero, planto tinko eta orokortua bultzatu eta eramango dugu aurrera.

Albiste gehiago