DUFAU, Aines; SOLORZANO, Pantxika: Kantiruri: kantu bilduma berria
1999-05-01
Musika, psikomotrizitatea eta euskara biltzen dituen CDa eta gidaliburua. Ikas Euskal Pedagogia Zerbitzuak "Kantiruri" izeneko kantu bilduma berria kaleratu du. 25 kantu berri biltzen dituen CDa eta gidaliburuak osatzen dute materiala. Bereziki 2 eta 5 urte bitarteko haurrentzat zuzendurik dago. Aines Dufau Ikas-eko arduradunak eta Pantxika Solorzano egileak oso gertutik ezagutzen dute eta xehetasun gehiago emateko prest dira.
Zer da Kantiruri?
Aines Dufau .- Kantiruri Pantxika Solorzano musika irakasleak eta Graxi Solorzano eskolaurreko irakasleak sortu 25 kanturen bilduma da, CD batean emana. Kantaria, Pantxika Solorzano da, beste musikari multzo batek lagundurik. CDa bera, Marko Armspachek eta Asisko Urmenetak apaindu liburuxka batean dago.
CD horri doakion gidaliburua irakasle talde batekin egin lanaren ondorioa da.
Norentzako da?
Aines Dufau .- Kantuak 2 eta 5 urteko haurrentzat eginak dira bereziki, nahiz 8 urtera arte ere atseginez entzuten eta ikasten diren. Gaiak hauek dira: urtaroak, animaliak, gorputza, musika tresnak...
Gidaliburua 2 eta 5 urtekoekin ari diren irakasle eta animatzaileentzat paratu dugu.
Zein helbururekin egin duzue?
Aines Dufau .- Oroz gainetik, psikomotrizitatearen eta euskararen lantzeko materiala da.
Pantxika, nolakoak dira kantuen hitzak, erritmoa, edukia...? Abesti herrikoiak ala asmatuak dira? Nola lantzen dituzu kantuak haurrekin?
Pantxika Solorzano .- Abiatu gara kantu bat asmatzen haizeari buruz, sinple-sinplea, haurrak mugitzeko gisan, eta ohartu gara haurrei anitz gustatu zaiela. Orduan bigarren kantu bat idatzi dugu udazkenari buruz, nahi genuen hiztegia sarraraziz, aire alai bat asmatuz eta horrela segitu dugu urtean zehar sasoiak, abereak, eguraldiak hunkituz.
Bi asmo genituen beti: musika lantzea erritmo egoki batekin eta hizkuntza aberastea, ikastea, haurrak gorputzaren mugimenduaren bidez anitz gai bereganatzen baititu.
Beraz, 25 kantuak asmatuak izan dira hiru helburu hauekin: musika, motrizitatea eta hizkuntza.
Zer aurki daiteke gidaliburuan? Zein erabilpen du irakasleontzat? Eta ikasleentzat?
Aines Dufau .- Gidaliburua moduluka antolatua da, kantu bakoitzaren erabiltzeko bide hauek eskainiz: kantuaren hitzak, beharrezko lexiko baliokideak beste euskalkietan (adibidez sagarroiarentzat: kirikiñoa edo trikua), musika partiturak, helburu pedagogikoak eta horien lantzeko proposatzen diren jarduerak lauki batean bilduak. Ondotik, ustiapena dator: jokoak edo ariketak, bai eta ikasleek margotuko duten marrazkia. Batzuetan, karta joko bat marrazkitan eman dugu.
Modulu bakoitzaren bukaeran beste kantu, olerki edo joko batzuen erreferentziak emendatzen ditugu, irakasleak edo animatzaileak gaia sakondu nahi badu.
Gidaliburuaren eranskinetan kantuetan lantzen diren jakintasun edo konpetentzien aurkibidea, bai eta ebaluaketa fitxak ere, aurki daitezke.
Kantiruri Ikas Euskal Pedagogia Zerbitzuak argitaratu duen lehen ikasmateriala da. Zer behar ikusi duzue horretarako?
Aines Dufau .- Lehen-lehenik azpimarratzekoa da argitalpen saila bultzatu baino lehen, 1997an inkesta egin genuela euskara edo euskaraz irakasten dutenen artean, jakiteko zertan zituzten behar handienak, kondutan hartuz Hego Euskal Herrian argitaratzen den ikasmateriala. Ondorioz, bagenekien Kantiruri behar baten asetzeko materiala izan zitakeela.
Pantxika eta Graxi Solorzano etorri zitzaizkigularik beren kantu bildumaren aurkeztera, biziki interesgarria aurkitu genuen eta pentsatu ikasmateriala oso baliosa egin genezakeela elkarrekin, gidaliburua CDarekin batean sortuz geroz.
Bestalde, urrats garrantzitsua eman dugu lan egiteko moldean: Pantxikarekin, Graxirekin, bai eta hiru sareetako (erran nahi baitu eskola giristinoetako, publikoetako eta ikastoletako) irakasleekin gidaliburuaren apailatzen ari izan gara zenbait hilabetez, kemen handirekin. Ohargarri da irakasle horiek beren eskolako lanez gain egin dutela lan hori.
Kalitatearen bermea erdietsi dugu, bai hizkuntzaren aldetik (Xarriton, Oihartzabal eta Davant euskaltzainen laguntzari esker), bai eta pedagogia sailean ere, pedagogia arduradunen esku hartzeari esker.
Nolako harrera izan du orai arte Kantirurik?
Pantxika Solorzano .- Haurrek ikasgelan ikasi dituzte kantuak eta ondotik, burasoek beren haurrak kantuz entzun eta, diska atera delarik, gogotik erosi dute. Geroztik, erakasleek aipatzen dute lan tresna egoki bat dela ama eskolarentzat (bost urte arte), eta lehen mailarentzat ere (8 urte arte).
Aines Dufau .- Publiko zabalaren aldetik harrera biziki ona ukan du orai arte Kantirurik. Eguberriko garaian jalgi genuen eta jende askori CDa bere liburuxkan opari oso polita iduritu zaio.
Geroztik, arrakasta bildu du gidaliburuak ere irakaskuntza alorrean. Izan ere, ikasmaterial honek osotasunik badauka eta eredu guzietan erabil daiteke.
Iparraldean arras ongi zabaldu dugu eta Hegoaldean ere harrera ona jaso du. Adibidez Donostian izan diren Musika Irakasle Euskaldunon Lehengo Topaketaren karietara. Han bildu ziren 150 bat irakaslek interes handia aurkitu diote.
Musika arloa gehiago lantzeko asmorik ba al duzue?
Aines Dufau .- Beharra hor dago eta Donostian iragan den lehen musika irakasleen topaketak agerian eman du. Agian lan amankomuna egin daiteke Ipar eta Hego Euskal Herriko musika irakasle euskaldunen artean.
Iparraldeari doakionez, argitalpen sailean, hutsune larriak badaude premia handiko alorretan (natur zientzietan, historian eta geografian, euskararen irakaskuntzan, besteak beste). Badugu beraz zer egin euskarazko irakaskuntzako ikasmaterialaren sortzeko, kondutan hartuz Hego Euskal Herrian egiten dena eta Ipar Euskal Herrian falta dena curriculum ezberdinak izanki han eta hemen.
Kantiruri:
CD bere liburuxkan : 120 lib/3000 Pta.
Gidaliburua:
60 lib/1500 Pta.
Banatzailea : BITARTE (943) 55.05.72
Faxa (943) 55.75.54.
E-mail: bitarte@trevenque.es
Aines Dufau .- Kantiruri Pantxika Solorzano musika irakasleak eta Graxi Solorzano eskolaurreko irakasleak sortu 25 kanturen bilduma da, CD batean emana. Kantaria, Pantxika Solorzano da, beste musikari multzo batek lagundurik. CDa bera, Marko Armspachek eta Asisko Urmenetak apaindu liburuxka batean dago.
CD horri doakion gidaliburua irakasle talde batekin egin lanaren ondorioa da.
Norentzako da?
Aines Dufau .- Kantuak 2 eta 5 urteko haurrentzat eginak dira bereziki, nahiz 8 urtera arte ere atseginez entzuten eta ikasten diren. Gaiak hauek dira: urtaroak, animaliak, gorputza, musika tresnak...
Gidaliburua 2 eta 5 urtekoekin ari diren irakasle eta animatzaileentzat paratu dugu.
Zein helbururekin egin duzue?
Aines Dufau .- Oroz gainetik, psikomotrizitatearen eta euskararen lantzeko materiala da.
Pantxika, nolakoak dira kantuen hitzak, erritmoa, edukia...? Abesti herrikoiak ala asmatuak dira? Nola lantzen dituzu kantuak haurrekin?
Pantxika Solorzano .- Abiatu gara kantu bat asmatzen haizeari buruz, sinple-sinplea, haurrak mugitzeko gisan, eta ohartu gara haurrei anitz gustatu zaiela. Orduan bigarren kantu bat idatzi dugu udazkenari buruz, nahi genuen hiztegia sarraraziz, aire alai bat asmatuz eta horrela segitu dugu urtean zehar sasoiak, abereak, eguraldiak hunkituz.
Bi asmo genituen beti: musika lantzea erritmo egoki batekin eta hizkuntza aberastea, ikastea, haurrak gorputzaren mugimenduaren bidez anitz gai bereganatzen baititu.
Beraz, 25 kantuak asmatuak izan dira hiru helburu hauekin: musika, motrizitatea eta hizkuntza.
Zer aurki daiteke gidaliburuan? Zein erabilpen du irakasleontzat? Eta ikasleentzat?
Aines Dufau .- Gidaliburua moduluka antolatua da, kantu bakoitzaren erabiltzeko bide hauek eskainiz: kantuaren hitzak, beharrezko lexiko baliokideak beste euskalkietan (adibidez sagarroiarentzat: kirikiñoa edo trikua), musika partiturak, helburu pedagogikoak eta horien lantzeko proposatzen diren jarduerak lauki batean bilduak. Ondotik, ustiapena dator: jokoak edo ariketak, bai eta ikasleek margotuko duten marrazkia. Batzuetan, karta joko bat marrazkitan eman dugu.
Modulu bakoitzaren bukaeran beste kantu, olerki edo joko batzuen erreferentziak emendatzen ditugu, irakasleak edo animatzaileak gaia sakondu nahi badu.
Gidaliburuaren eranskinetan kantuetan lantzen diren jakintasun edo konpetentzien aurkibidea, bai eta ebaluaketa fitxak ere, aurki daitezke.
Kantiruri Ikas Euskal Pedagogia Zerbitzuak argitaratu duen lehen ikasmateriala da. Zer behar ikusi duzue horretarako?
Aines Dufau .- Lehen-lehenik azpimarratzekoa da argitalpen saila bultzatu baino lehen, 1997an inkesta egin genuela euskara edo euskaraz irakasten dutenen artean, jakiteko zertan zituzten behar handienak, kondutan hartuz Hego Euskal Herrian argitaratzen den ikasmateriala. Ondorioz, bagenekien Kantiruri behar baten asetzeko materiala izan zitakeela.
Pantxika eta Graxi Solorzano etorri zitzaizkigularik beren kantu bildumaren aurkeztera, biziki interesgarria aurkitu genuen eta pentsatu ikasmateriala oso baliosa egin genezakeela elkarrekin, gidaliburua CDarekin batean sortuz geroz.
Bestalde, urrats garrantzitsua eman dugu lan egiteko moldean: Pantxikarekin, Graxirekin, bai eta hiru sareetako (erran nahi baitu eskola giristinoetako, publikoetako eta ikastoletako) irakasleekin gidaliburuaren apailatzen ari izan gara zenbait hilabetez, kemen handirekin. Ohargarri da irakasle horiek beren eskolako lanez gain egin dutela lan hori.
Kalitatearen bermea erdietsi dugu, bai hizkuntzaren aldetik (Xarriton, Oihartzabal eta Davant euskaltzainen laguntzari esker), bai eta pedagogia sailean ere, pedagogia arduradunen esku hartzeari esker.
Nolako harrera izan du orai arte Kantirurik?
Pantxika Solorzano .- Haurrek ikasgelan ikasi dituzte kantuak eta ondotik, burasoek beren haurrak kantuz entzun eta, diska atera delarik, gogotik erosi dute. Geroztik, erakasleek aipatzen dute lan tresna egoki bat dela ama eskolarentzat (bost urte arte), eta lehen mailarentzat ere (8 urte arte).
Aines Dufau .- Publiko zabalaren aldetik harrera biziki ona ukan du orai arte Kantirurik. Eguberriko garaian jalgi genuen eta jende askori CDa bere liburuxkan opari oso polita iduritu zaio.
Geroztik, arrakasta bildu du gidaliburuak ere irakaskuntza alorrean. Izan ere, ikasmaterial honek osotasunik badauka eta eredu guzietan erabil daiteke.
Iparraldean arras ongi zabaldu dugu eta Hegoaldean ere harrera ona jaso du. Adibidez Donostian izan diren Musika Irakasle Euskaldunon Lehengo Topaketaren karietara. Han bildu ziren 150 bat irakaslek interes handia aurkitu diote.
Musika arloa gehiago lantzeko asmorik ba al duzue?
Aines Dufau .- Beharra hor dago eta Donostian iragan den lehen musika irakasleen topaketak agerian eman du. Agian lan amankomuna egin daiteke Ipar eta Hego Euskal Herriko musika irakasle euskaldunen artean.
Iparraldeari doakionez, argitalpen sailean, hutsune larriak badaude premia handiko alorretan (natur zientzietan, historian eta geografian, euskararen irakaskuntzan, besteak beste). Badugu beraz zer egin euskarazko irakaskuntzako ikasmaterialaren sortzeko, kondutan hartuz Hego Euskal Herrian egiten dena eta Ipar Euskal Herrian falta dena curriculum ezberdinak izanki han eta hemen.
Kantiruri:
CD bere liburuxkan : 120 lib/3000 Pta.
Gidaliburua:
60 lib/1500 Pta.
Banatzailea : BITARTE (943) 55.05.72
Faxa (943) 55.75.54.
E-mail: bitarte@trevenque.es
