Hik Hasi

Zientzia nesken kontua ere badela erakutsi dute ikastetxeetan

‘Emakumeak Zientzian’ ekimenaren 7. edizioa egin da aurten eta ikastetxeetan oihartzuna izan du. Emakume zientzialariak ikastetxeetara gerturatu dira haien bizipenei eta lanari buruz hitz egitera eta ikasleak ikerketa zentroetara ere joan dira. Zientzia nesken kontua ere badela gogorarazteko balio izan dute ekimenok.

Albistea

Apirilaren 3an greba egingo dute Nafarroako hezkuntza publikoan

ELA, LAB, Steilas, CCOO eta UGT sindikatuek lanuztera deitu dituzte hezkuntza publikoan lanean diharduten 10.000tik gora langile. Sindikatuek aditzera eman dutenez, Nafarroako Gobernuak ez die inongo erantzunik eman otsailaren 15eko greban egindako aldarrikapenei, eta “premiazko negoziazio batera” konprometitzea eskatzen diote.

Sindikatuek sei aldarrikapen egin dizkiote Nafarroako Gobernuari:

Ratioak txikitzea hezkuntza ziklo guztietan.
Soladatak KPI kontsumorako prezioen indizearen arabera igotzea eta 2010etik galdutako erosahalmena berreskuratzea (%20).
Funtzionario mailak eta titulazioak eguneratzea.
Lanbide karrera ezartzea langile guztientzat.
Egonkortasuna bermatzea, behin-behinekotasuna % 8tik behera murriztuz.
Gainkarga burokratikoa arintzea, ikasleen premiei denbora gehiago eskaintzeko.

Albistea

Zuzendarien lana aitortzea eta erraztea helburu duen dekretua atera dute Araban, Bizkaian eta Gipuzkoan

Zuzendatzari buruzko dekretu berria atera du Eusko Jaurlaritzak Arabako, Bizkaiko eta Gipuzkoako ikastetxe publikoetarako eta Hezkuntza Saila ikastetxe publikoen hezkuntza lidergorako garatzen ari den estrategiaren barruan kokatu dute.

Albistea

Eskola segregazioari erantzuteko proposamena aurkeztu dute

Eusko Ikaskuntzak eta Eusko Jaurlaritzako Hezkuntza Sailak larunbatean (martxoaren 4an) antolatu zuten jardunaldian aurkeztu zuten hilabeetan ondutako proposamena eskola segregazioari aurre egiteko. Askotariko segregaziori nola erantzun hezkuntza sistematik? Ulermen partekatua eta erronkak kudeatzeko proposamenak jardunaldian txosten bat aurkeztu zuten: “Segregazioaren ezaugarritze eta ulermen partekatua: erronkak kudeatzeko proposamenak”. Bost erronka nagusi zerrendatu dituzte: jendartearen inplikazioa, lidergo politiko partekatua, kulturartekotasuna, formakuntza eta tokian tokiko gobernantza partekatua.

Hik Hasi

Euskarako eskolak jomugan. Egokia al da metodologia?

Egokia al da euskara irakasteko erabiltzen den metodologia? Euskarako eskoletan gustura sentitzen al dira ikasleak? Ikasgai erakargarria al da Euskara? Galdera horiei guztiei, ñabardurak ñabardura, hitz bakarrarekin erantzun diete 2022. urteko Euskarabentura espedizioan parte hartu zuten Euskal Herri osoko ikasleek: ez. Kike Amonarrizek egindako inkesta batek utzitako emaitza nagusia horixe da. Euskarabenturan parte hartu zuten gazteei egindako inkestak datu argigarriak utzi ditu eta horiei helduta artikulu interesgarria idatzi du Amonarrizek: 'Euskara irakasteko metodologia Euskarabenturako gazteen begiradapean'. Ikasleen % 85ek diote euskara irakasteko erabiltzen den metodologia ez dela egokia. Zaharkitua dagoela uste dute eta, besteak beste, gramatikari toki handiegia eskaintzen zaiola eta ahozkotasunari, gutxiegi. Ikasleek ebaluazioa egin dute, orain zer eta nola aldatu behar den hausnartzeko unea da.

Albistea

‘Hobetzeko prest!’ Lehen Hezkuntzako jardunaldiak egingo ditu Hik Hasik apirilaren 22an

Besteak beste, Jordi Mateu Zorita formatzaile kataluniarra eta HUHEZIko Karmele Perez Lizarralde izango ditugu, Nolako Lehen Hezkuntza behar dugu? eta Irakasleen prestakuntza gogoetatsua, hezkuntza hobetzeko giltza hitzaldiak eskainiko dituzte, hurrenez hurren eta hobekuntza gogoetatsua praktikara eramaten ari den ikastetxe baten esperientzia ezagutuko dugu. Jardunaldia EHUren Donostiako campusean izango da. Izen-ematea zabalik dago apirilaren 14ra arte.